Movimento social como resistência na universidade: processos de subjetivação em um coletivo de causas indígenas

Abstract

Universidade Federal São Carlos pahka bu’eturiakari wi’ipᵾ, mari ukũ tuhtuase turi na ma’mapiha bu’e wahakũ tuhtuase kahãsere i’ña behsewe, bu’ese ukũri turi ni. A’te i’ña behesewe bu’ese nisa, mari ñehkusᵾmᵾa, ahkawererã na ukũ, a’te pahka bu’ese wi’seripᵾ mari po’rã ke’rã bu’eato ni na ukũ ahpokuke. Toho wego a’tere i’ña behsewe bu’egotigo a’rã pᵾarã pehkasã pahka bu’ekarã na ohakukepu mipoteõnoapᵾ Manuel Castells toho nika Michel Foucault. Te bu’esere ohakugotigo na ma’mapiha mera nerenuhueha ukũ a’mesᵾo weke ni. Toho werã ni’kamukᵾse pᵾapika pe’ri pehase bu’erã mera da’ranoke ni. Naa mera ukũ, seriti’ña weka be’rore, ahpokũ ohanoawᵾ. Toho wekare maha topo’peapᵾre pa’paritise turi bahuawᵾ, te ni; a) Mari nisetise, mahsise, ukũse misanᵾkaeha ohakũ bue’se; b) Bu’eturiakã, ukũtuhua bu’enemokãse a’ti Pahirituri bu’ese niri wipᵾ; c) Ti bu’eri kura po’peapᵾre a’meri ma’i ehõpeo, wehepeose; d) ti bue’rikura añuro wahkũ, ukũtuhtua miasekahãse. A’te bu’e, nerenuha ukũ a’mesᵾoke meramaha nisa na mamapihare wahkũ tuhutuakã wese nisa, a’to Pahka Bu’eturiakãse weri wi’i po’peapᵾre.